Meta का सेवाका सर्तहरू

सेवाका सर्तहरू

संक्षिप्त विवरण

लागू हुने मिति २०२५ जनवरी १ | प्रिन्ट गर्न मिल्ने संस्करण हेर्नुहोस्

Meta ले मानिसहरूलाई एकअर्कासँग जोडिन, समुदायहरूको निर्माण गर्ने र व्यवसायहरूको वृद्धि गर्ने प्रविधि र सेवाहरूको निर्माण गर्छ। हामीले स्पष्ट रूपमा छुट्टै सर्तहरू लागू हुन्छ भनेर उल्लेख गरेको अवस्थामा बाहेक यी सेवाका सर्तहरू ("सर्तहरू") तपाईँको Facebook, Messenger र हामीले प्रदान गर्ने अन्य उत्पादन, वेबसाइट, विशेषता,एप, सेवा, प्रविधि र सफ्टवेयर (Meta का उत्पादनहरू वा उत्पादनहरू) को पहुँच र प्रयोगलाई नियमन गर्छ। (उदाहरणका लागि, तपाईंको Instagram को प्रयोग Instagram प्रयोग सर्तहरूको अधीनमा रहेको छ)। यी उत्पादनहरू Meta Platforms, Inc. ले तपाईंलाई उपलब्ध गराएको हो। त्यसैकारण यी सर्तहरूले तपाईं र Meta Platforms, Inc. बिच सम्झौता भएको मानिनेछ। यदि तपाईं यी सर्तहरूमा सहमत हुनुहुन्न भने, Facebook वा यी सर्तहरू द्वारा समेटिएका अन्य उत्पादन र सेवाहरू पहुँच वा प्रयोग नगर्नुहोस्।

यी सर्तहरूले (यसअघि अधिकार तथा दायित्वहरूको कथन भनिएको ) ले हाम्रा उत्पादनहरूको तपाईंको प्रयोगका सम्बन्धमा तपाईं र Meta Platforms, Inc. बिचका पूर्ण सम्झौताहरू बनाउँछन्। अघिल्ला सबै सम्झौताहरू सगँ बाझिएको खण्डमा तिनिहरु लागु हुन्छ।

हामीले तपाईंलाई अन्यथा केही नभनेसम्म हामी Facebook वा यी सर्तहरूले समेट्ने अन्य उत्पादन र सेवाहरूको प्रयोग गरेबापत तपाईंसँग पैसा लिँदैनौँ। यसको साटो व्यवसाय र संस्थाहरू र अन्य व्यक्तिहरूले तपाईंलाई आफ्ना उत्पादन र सेवाहरूको विज्ञापन देखाएबापत हामीलाई पैसा तिर्छन्। हाम्रा उत्पादनहरूको प्रयोग गरेर हामी तपाईंलाई तपाईं र तपाईंका रूचिहरूसँग सान्दर्भिक विज्ञापनहरू देखाउन सक्छौं भन्ने कुरामा तपाईं सहमत हुनुहुन्छ। हामी तपाईंलाई कुन-कुन व्यक्तिगतकरण गरिएका विज्ञापनहरू देखाउने भन्ने कुराको निर्णय गर्न तपाईंको व्यक्तिगत डेटा प्रयोग गर्छौँ।

हामी तपाईंको व्यक्तिगत डेटा विज्ञापनकर्ताहरूलाई बिक्री गर्दैनौं र हामी तपाईंले प्रत्यक्ष रूपमा खास अनुमति नदिएसम्म तपाईंको पहिचान गर्ने जानकारी (जस्तै, तपाईंको नाम, इमेल ठेगाना वा अन्य सम्पर्क जानकारी) विज्ञापनकर्ताहरूसँग साझा गर्दैनौँ। यसको साटो, विज्ञापनकर्ताहरू आफूले आफ्ना विज्ञापन हेरून् भन्ने चाहेका दर्शक जस्ता कुराहरू हामीलाई बताउन सक्छन् र हामी रूचि राख्न सक्ने मानिसहरूहरूलाई ती विज्ञापनहरू देखाउँछौँ। हामी विज्ञापनकर्ताहरूलाई उनीहरूको विज्ञापनको कार्यसम्पादनका बारेमा रिपोर्ट प्रदान गर्छौँ, यसले तिनीहरूलाई आफ्नो सामग्रीमा मानिसहरूले कसरी अन्तर्क्रिया गरिरहेका छन् भन्ने कुरा बुझ्न मद्दत गर्छ। Meta का उत्पादनहरूमा यी सर्तहरू अन्तर्गत रहेर विज्ञापनहरू आफू अनुकूल बनाउने तरिकाले कसरी काम गर्छ भन्ने बारेमा थप जान्नका लागि तलको खण्ड २ हेर्नुहोस्।

हाम्रो गोपनीयता नीति ले तपाईंले देख्ने केही विज्ञापनहरू पत्ता लगाउन र तल वर्णन गरिएका सबै सेवाहरू उपलब्ध गराउन हामी तपाईंको व्यक्तिगत डेटा कसरी सङ्कलन र प्रयोग गर्छौँ भन्ने कुरा व्याख्या गर्छ। तपाईं हामी तपाईंको डेटा कसरी प्रयोग गर्छौँ भन्ने सम्बन्धमा तपाईंसँग भएका गोपनीयताका विकल्पहरूको समीक्षा गर्न तपाईं जुनसुकै बेला सान्दर्भिक Meta को उत्पादनको आफ्ना सेटिङहरूको पृष्ठहरूमा जान सक्नुहुन्छ।

यी सर्तहरूले कुन उत्पादनहरू समेटेका हुन्छन्?

१. हामीले प्रदान गर्ने सेवाहरू

हाम्रो लक्ष्य भनेको मानिसहरूलाई समुदाय निर्माण गर्ने र विश्वलाई नजिक ल्याउने क्षमता प्रदान गर्नु हो। यो मिसनअघि बढाउन मद्दत गर्न हामी तल वर्णन गरिएका उत्पादन र सेवाहरू तपाईंलाई प्रदान गर्छौँ।

१.१ तपाईंलाई व्यकतिगतकरण गरिएको अनुभव प्रदान गर्ने:

तपाईंले Facebook फिड वा हाम्रो भिडियो प्लेटफर्मदेखि तपाईंले फलो गर्ने Facebook पृष्ठ र तपाईंले प्रयोग गर्न सक्ने Facebook Marketplace र खोज जस्ता अन्य सुविधाहरूमा देख्ने पोस्ट, स्टोरी, कार्यक्रम, विज्ञापन र अन्य सामग्रीसम्म तपाईंको Facebook को अनुभव अरू कसैकोभन्दा फरक हुन्छ। उदाहरणका लागि हामी तपाईंको अनुभवलाई व्यक्तिगतकरण गराउनका लागि तपाईंले बनाउने सम्बन्धहरु, तपाईंले छान्नु भएका रोजाई र सेटिङहरू र तपाईंले सेयर र हाम्रा उत्पादनहरू भित्र वा बाहिर गर्नुभएका कार्यहरूको बारेमा डेटा प्रयोग गर्छौं।

१.२ तपाईंको सरोकार भएका मानिस र संस्थाहरूसँग सम्पर्क गराउनेः

तपाईंले प्रयोग गर्ने Meta उत्पादनहरूमा तपाईंलाई मत्लब हुने व्यक्ति, समूह, व्यवसाय, संस्था, र अरुहरुभेट्टाउन र तिनीहरूसँग सम्बन्धित हुन मद्दत गर्छौँ। हामी तपाईं र अन्य व्यक्तिहरुलाई सुझाव गर्नका लागि डेटा प्रयोग गर्छौँ - उदाहरणका लागि, सामेल हुने समूहहरू, सहभागी हुनु पर्ने कार्यक्रमहरू, फलो गर्नु पर्ने वा मेसेज गर्नु पर्ने Facebook पृष्ठहरू, हेर्नु पर्ने कार्यक्रमहरू र तपाईं साथी बन्न चाहन सक्ने मानिसहरू। जति बलियो सम्बन्ध भयो त्यति राम्रो समुदाय बन्छ र हामी मानिसहरू आफूले रुचि राख्ने मानिस, समूह र संस्थाहरूसँग कनेक्ट हुँदा हाम्रा सेवाहरू सबैभन्दा उपयोगी हुन्छन् भन्ने विश्वास गर्छौँ।

१.३ तपाईंलाई आफूलाई र आफूलाई महत्त्वपूर्ण लाग्ने कुराहरूका बारेमा व्यक्त गर्न सशक्त बनाउने :

Facebook मा आफ्ना कुराहरू व्यक्त गर्ने र आफूलाई महत्त्वपूर्ण लाग्ने कुराहरूका बारेमा साथी, परिवार र अन्यसँग कुराकानी गर्ने थुप्रै तरिकाहरू छन् - उदाहरणका लागि, Meta का उत्पादनहरूमा स्टाटस अपडेट, फोटो, भिडियो र स्टोरीहरू सेयर गर्ने (तपाईंका सेटिङहरू अनुरूप), कुनै साथी वा थुप्रै मानिसहरूलाई सन्देशहरू पठाउने वा अडियो वा भिडियो कल गर्ने, कार्यक्रम वा समूहहरू सिर्जना गर्ने वा आफ्नो प्रोफाइलमा सामग्री थप्नको साथै तपाईंलाई तपाईंको सामग्रीसँग अन्य व्यक्तिहरु कसरी संलग्न भएका छन् भन्ने बारेमा विशेष जानकारीहरू देखाउन। Meta का उत्पादनहरूमा थप अभिव्यक्तिमूलक र आकर्षक सामग्री सिर्जना र सेयर गर्नका निम्ति हामीले संवर्धितर ३६० भिडियो जस्ता मानिसहरूले प्रविधिको प्रयोग गर्ने नयाँ तरिका विकास र अन्वेषण गर्न पनि जारी राखिरहेका छौँ।

१.४ तपाईंलाई आफूलाई रूचि लाग्न सक्ने सामग्री, उत्पादनहरु र सेवाहरू खोज्न मद्दत गर्ने:

हामी तपाईंलाई Facebook र Meta का अन्य उत्पादनहरू प्रयोग गर्ने थुप्रै व्यवसाय र संगठनहरूले उपलब्ध गराउने सामग्री, उत्पादन र सेवाहरू खोज्न मद्दत गर्न तपाईंलाई व्यक्तिगतकरण गरिएको विज्ञापन, अफर र अन्य प्रायोजित वा व्यवसायिक सामग्री देखाउँछौँ। तलको खण्ड २ मा यसबारेमा थप विस्तार रूपमा वर्णन गरिएको छ।

१.५ हाम्रा सेवाहरूको सुरक्षा, जगेर्ना र अखण्डतालाई प्रवर्द्धन गर्ने, हानिकारक आचरणहरू विरुद्ध लड्ने र हाम्रा प्रयोगकर्ताहरूको समुदायलाई सुरक्षित राख्ने:

मानिसहरूले सुरक्षित महसुस गरेको अवस्थामा मात्र Meta का उत्पादनहरूमा समुदाय निर्माण गर्ने छन्। हामी हाम्रा उत्पादनहरू र सेवाहरूको सुरक्षाको (उपलब्धता, प्रमाणिकता, अखण्डता र गोपनीयता समेत) व्यवस्थान गर्न,कडा मिहिनेत गर्छौं। हामी विश्वभरका समर्पित टोलीहरूलाई नियुक्त गर्छौं, बाह्य सेवा प्रदायकहरू, साझेदारहरू र अन्य सान्दर्भिक निकायहरूसँग काम गर्छौं, र हाम्रा उत्पादनहरूको सम्भावित दुरुपयोग, अरूप्रति हानिकारक आचरण, र हामीले हाम्रो समुदायलाई समर्थन वा सुरक्षा गर्न मद्धत गर्न सक्ने परिस्थितिहरू पत्ता लगाउन र सम्भावित उल्लङ्घनयुक्त सामग्रीको प्रयोगकर्ता रिपोर्टहरूमा प्रतिक्रिया दिने सहितका उन्नत प्राविधिक प्रणालीहरू विकास गर्छौं। हामीले यस्ता सामग्री वा आचरण बारे थाहा पाएमा हाम्रो मूल्याङ्कनहरूको आधारमा हामि उपयुक्त कार्बाहि गर्न सक्छौं जुन मा निम्न समावेश हुन सक्छ - तपाईंलाई सूचना प्रदान गर्ने, मद्दत प्रदान गर्ने, सामग्री हटाउने, केहि सुविधाहरूको पहुँच हटाउने वा प्रतिबन्ध लगाउने, खाता असक्षम पार्ने वा कानून प्रवर्तनलाई सम्पर्क गर्ने । हामीले हाम्रा उत्पादनहरूमध्ये कुनै एकको प्रयोग गर्ने कुनै व्यक्तिले दुरुपयोग वा हानिकारक आचरण गरेको पत्ता लागएका अवस्थामा वा Meta का उत्पादनहरू, प्रयोगकर्ताहरू र समुदायलाई सुरक्षित राख्न सहयोग गर्न हामी Meta का कम्पनीहरू बिचमा डेटा सेयर गर्छौँ। उदाहरणका लागि, हामी वित्तीय उत्पादन तथा सेवाहरू उपलब्ध गराउने Meta कम्पनीहरूसँग जानकारी सेयर गर्छौं ताकि उनीहरूले रक्षा, सुरक्षा र आखणडतालाई प्रवर्द्धन गर्न लागू हुने कानूनको पालना गर्न सकून्। Meta लाई असल नियतले लागेमाआवश्यक परेको खण्डमा वा त्यसो गर्न कानूनद्वारा स्वीकृती पाएको अवस्थामा आफूले सङ्कलन गरेको कुनै पनि जानकारीमा पहुँच राख्न, संरक्षण गर्न, प्रयोग गर्न, र सेयर गर्न सक्छ। थप जानकारीका लागि, कृपया हाम्रो गोपनीयता नीतिको समीक्षा गर्नुहोस्।

केहि अवस्था, निरीक्षण बोर्डले त्यसका सर्तहरू र उपनियममा आधारित रहेर हाम्रा निर्णयहरूको समीक्षा गर्न सक्छ। यहाँ थप जान्नुहोस्।

१.६ सबैका लागि सुरक्षित र कार्यात्मक सेवाहरू प्रदान गर्न उन्नत प्रविधिहरूको प्रयोग र विकास गर्ने:

मानिसहरू शारिरीक अवस्था वा भौगोलिक स्थानको ख्याल नगरी हाम्रा उत्पादनहरू सुरक्षितसँग प्रयोग गर्न सकून् भन्नका लागि हामी कृत्रिम बौद्धिकता, मेसिन सिकाइ प्रणाली र संवर्धित वास्तविकता जस्ता उन्नत प्रविधिहरू प्रयोग र विकास गर्छौँ। उदाहरणका लागि, यस्तो प्रविधिले दृष्टि कमजोरी हुने मानिसहरूलाई Facebook वा Instagram मा सेयर गरिएका फोटो वा भिडियोहरू के र को छ भन्ने कुरा बुझ्न मद्दत गर्छ। हामीले सीमित पहुँच हुने क्षेत्रका थप मानिसहरूलाई इन्टरनेटमा कनेक्ट हुन मद्दत गर्न परिष्कृत नेटवर्क र संचार प्रविधि पनि निर्माण गर्छौँ। र हामी हाम्रो समुदाय र हाम्रा उत्पादनहरूको अखण्डतामा हानि पुर्‍याउन सक्ने दुरूपयोग र खतरनाक क्रियाकलाप पत्ता लगाएर हटाउने हाम्रो क्षमता सुधार गर्न स्वाचालित प्रणालीहरूको विकास गर्छौँ।

१.७ हाम्रा सेवाहरू सुधार गर्ने विभिन्न तरिकाहरूको अनुसन्धान गर्ने:

हामी हाम्रा उत्पादनहरू विकास गर्न, तिनको परीक्षण गर्न तिनमा सुधार गर्न अनुसन्धानमा सामेल हुन्छौँ। यसमा हाम्रा प्रयोगकर्ताहरूका बारेमा हामीसँग भएको डेटा विश्लेषण गर्ने र मानिसहरूले हाम्रा उत्पादनहरू कसरी प्रयोग गर्ने भन्ने कुरा बुझ्ने, उदाहरणका लागि सर्वेक्षण र परीक्षणको आयोजना गरेर नयाँ सुविधामा भएका समस्याहरूको समाधान गर्ने जस्ता सामग्री पर्छन। हाम्रो गोपनीयता नीति मा हामी हाम्रा सेवाहरू विकास र सुधार गर्ने उद्देश्यले यो अनुसन्धानमा सहायता प्रदान गर्न कसरी डेटा प्रयोग गर्छौँ भन्ने कुरा व्याख्या गरिएको छ।

१.८ Meta कम्पनीका उत्पादनहरमा समान र निर्बाध अनुभवहरू उपलब्ध गराउने:

हाम्रा उत्पादनहरूले तपाईका लागि महत्त्वपूर्ण रहेका व्यक्ति, समूह, व्यवसाय, संगठन र अन्य कुरा भेट्टाउन र तिनीहरूसँग जोडिन मद्दत गर्छ। तपाईंले प्रयोग गर्ने विभिन्न Meta कम्पनीका उत्पादनहरू मा समान र निर्बाध रूपमा अनुभव प्राप्त हुने गरी हामी हाम्रा प्रणालीहरू डिजाइन गर्छौँ। उदाहरणका लागि, हामी तपाईंलाई आफू Facebook मा कनेक्ट भएका मानिसहरूसँग को डेटा Instagram वा Messenger मा ती मानिसहरूसँग कनेक्ट हुन सजिलो होस् भन्नका लागि प्रयोग गर्छौँ र हामी तपाईंलाई आफूले Facebook मा फलो गर्ने मानिसहरूलाई Messenger बाट संचार गर्न सक्षम बनाउँछौँ।

१.९ हाम्रा सेवाहरूमा पहुँच सुनिश्चित गर्ने:

हाम्रा ग्लोबल सेवाहरू सञ्चालन गर्न र तपाईंलाई विश्वभरीका मानिसहरूसँग जोड्न का लागि, हामीले तपाईंको बसोबासको देश भन्दा बाहिरका स्थानहरूसहित हाम्रो विश्वभरीका डेटा केन्द्रहरू, साझेदारहरू, सेवा प्रदायकहरू, बिक्रेताहरू र प्रणालिमा सामाग्री र डेटा स्थानान्तरण, भण्डारण र वितरण गर्नुपर्छ। हाम्रा सेवाहरू प्रदान गर्नका लागि यस विश्वव्यापी पूर्वाधारको प्रयोग गर्न आवश्यक र जरुरी छ। यो पूर्वाधार Meta Platforms, Inc., Meta Platforms Ireland Limited वा योसँग सम्बद्ध राख्ने कम्पनीहरूले संचालन, स्वामित्व राख्ने वा नियन्त्रण गरिरहेका हुन सक्छन्।

२. हाम्रा सेवाहरूका लागि कसरी पैसा मिल्छ

Facebook र अन्य उत्पादन र हामीले प्रदान गर्ने सेवाहरू प्रयोग गरेबापत पैसा तिर्नुको साटो यी सर्तहरू उल्लेख गरिएको Meta का उत्पादनहरूप्रयोग गरेर तपाईं हामी तपाईंलाई Meta कम्पनीका उत्पादनहरू को भित्र वा बाहिर प्रवर्द्धन गर्न पैसा तिर्ने व्यवसाय र सङ्गठनहरूका व्यक्तिगतकरण गरिएको विज्ञापनहरू र अन्य व्यावसायिक र प्रायोजित सामग्री देखाउन सक्छौँ भन्ने कुरालाई तपाइ स्वीकार गर्नुहुन्छ। हामी तपाईंको व्यक्तिगत डेटा, जस्तै तपाईंका क्रियाकलाप र रूचिहरूबारे जानकारी, प्रयोग गरेर तपाईंलाईे व्यक्तिगतकरण गरिएका विज्ञापनहरू र तपाइसगँ बढि सान्दर्भिक हुन सक्ने प्रायोजित सामग्री देखाउँछौँ।

हामीले मानिसहरूको गोपनीयताको संरक्षण गर्ने कार्यलाई मुख्य बनाएर विज्ञापन व्यक्तिगतकरण गरिने प्रणाली डिजाइन गरेका छौँ। यसको अर्थ हामी विज्ञापकहरूलाई तपाईंबारे जानकारी नदिइकनै तपाईंलाई सान्दर्भिक र उपयोगी विज्ञापनहरू देखाउन सक्छौँ। हामी तपाईंको व्यक्तिगत जानकारी बेच्दैनौँ। हामी विज्ञापकहरूलाई आफ्नो व्यावसायिक लक्ष्य र तिनीहरूले आफ्ना विज्ञापनहरू हेरून् भन्ने चाहेका दर्शकको प्रकार जस्ता कुरा हामीलाई भन्न दिन्छौँ (उदाहरणका लागि, साइकल चलाउन मन पराउने १८ देखि ३५ वर्षको उमेर सम्मका मानिसहरू)। हामी त्यसपछि हामीलाई रूचि भएको हुन सक्छ भन्ने लागेको मानिसहरूलाई तिनीहरूको विज्ञापन देखाउँछौँ।

हामी विज्ञापकहरूलाई तिनीहरूको सामग्रीमा Meta उत्पादन भित्र र बाहिर मानिसहरूले कसरी अन्तर्क्रिया गरिरहेका छन् भन्ने कुरा बुझ्न मद्दत गर्न उनीहरूलाई उनीहरूको विज्ञापनको कार्यसम्पादनका बारेमा रिपोर्ट पनि प्रदान गर्छौँ। उदाहरणका लागि, हामी विज्ञापकहरूले आफ्नो दर्शकलाई अझ राम्रोसँग बुझ्न सकुन भनेर सामान्य जनसांख्यिकीय र रूचिसम्बन्धी जानकारी प्रदान गर्छौ जस्तै म्याड्रिडमा बस्ने र सफ्टवेयर इन्जिनियरिङ मनपराउने विज्ञापन २५ देखि ३४ वर्ष उमेरका महिलाहरूले विज्ञापन हेरेका छन्। तपाईंले हामीलाई विशेष अनुमति नदिँदासम्म, प्रत्यक्ष रूपमा तपाईंलाई पहिचान (तपाईंको नाम वा इमेल ठेगाना जस्ता जानकारी जुन आफै तपाईंको सम्पर्क गर्न प्रयोग हुन्छ वा तपाईं को हो भनी पहिचान गर्छ) गर्ने जानकारी हामीले सेयर गर्दैनौं। Meta विज्ञापनहरूले कसरी काम गर्छन् भन्नेबारे थप जान्न यहाँ जान्नुहोस्।

हामी माथि वर्णन गरेको सेवा तपाईंलाई प्रदान गर्नका निम्ति तपाईंको व्यक्तिगत जानकारी सङ्कलन र प्रयोग गर्छौँ। तपाईं हाम्रो गोपनीयता नीतिमा गई हामी तपाईंको डेटा कसरी सङ्कलन र प्रयोग गर्छौँ भन्नेबारे जान्न सक्नुहुन्छ। तपाईंले देख्ने विज्ञापन र विज्ञापकहरूको प्रकार र हामी तपाईंलाई कुन विज्ञापन देखाउने भनेर निर्धारण गर्न हामीले प्रयोग गर्ने जानकारीको प्रकारमा तपाईंको नियन्त्रण हुन्छ। थप जान्नुहोस्।

३. Facebook र हाम्रो समुदायप्रतिको तपाईंका प्रतिबद्धताहरू

हामी हाम्रो अभियान अघि बढाउन मद्दत गर्न तपाईं र अरूहरूलाई यी सेवाहरू प्रदान गर्छौं। यसको साटो, हामी तपाईंलाई निम्न प्रतिज्ञाहरू गर्न लगाउन्छौँ:

३.१ Facebook कसले प्रयोग गर्न सक्छ

मानिसहरूले आफ्ना विचार र कार्यको पछि उभिँदा हाम्रो समुदाय अझ सुरक्षित र थप उत्तरदायी हुन्छ। यस कारणले गर्दा, तपाईंले अनिवार्य रूपमा निम्न कार्य गर्नु पर्छ:

तपाईंले आफ्नो दैनिक जीवनमा प्रयोग गर्ने नाम आफ्नो खाताका लागि प्रदान गर्नु पर्छ।
आफ्नो बारेमा सही जानकारी प्रदान गर्ने।
एउटा मात्र खाता सिर्जना गर्नुहोस् (आफ्नै) र व्यक्तिगत उद्देश्यहरूका लागि त्यसलाई प्रयोग गर्नुहोस् ।
आफ्नो पासवर्ड सेयर नगर्ने, आफ्नो Facebook खाता अरूलाई पहुँच गर्ने अनुमति नदिने वा अन्य कसैसँग पनि आफ्नो खाता ट्रान्फर नगर्ने (हाम्रो अनुमतिविना)

हामी Facebook सबैजनाका लागि व्यापक रूपमा उपलब्ध गराउने प्रयास गर्छौँ तर तपाईं निम्न अवस्थामा Facebook चलाउन सक्नुहुन्न:

तपाईं १३ वर्षभन्दा कम उमेरको हुनुहुन्छ ।
तपाईं सजाय पाएको यौन अपराधी हुनुहुन्छ।
हामीले तपाईंको खातालाई पहिल्यै हाम्रा सर्तहरू, सामुदायिक मापदण्डहरू वा Facebook प्रयोग गर्दा लागू हुने अन्य सर्तहरू र नीतिहरूको उल्लङ्घनको कारण असक्षम गराएका छौं। हामीले तपाईंको खातालाई हाम्रा सर्तहरू, सामुदायिक मापदण्डहरू, वा अन्य सर्तहरू र नीतिहरूको उल्लङ्घनका कारण असक्षम गरेका छौं भने तपाईंले हाम्रो अनुमति बिना अर्को खाता सिर्जना नगर्न सहमत हुनुहुन्छ। नयाँ खाता सिर्जना गर्ने अनुमति प्राप्त गर्नु भयो भने त्यो हाम्रो आफ्नै विवेकको कारण हो र त्यसले अनुशासनात्मक कारबाही गलत वा कारणविना भएको हो भन्ने अर्थ वा संकेत गर्दैन।
लागू हुने कानूनहरूअन्तर्गत तपाईं हाम्रा उत्पादन, सेवा वा सफ्टवेयर प्राप्त गर्नबाट प्रतिबन्धित हुनुहुन्छ।

३.२ तपाईंले Meta का उत्पादनहरूमा के-के कुरा सेयर गर्न र के-के कार्य गर्न सक्नुहुन्छ

हामी मानिसहरूले आफ्नो कुरा व्यक्त गर्न र आफूलाई महत्त्वपुर्ण लाग्ने सामग्री सेयर गर्ने प्रयोजनका लागि Meta का उत्पादनहरू प्रयोग गरून् भन्ने चाहन्छौँ तर अरूको सुरक्षा र कल्याण वा हाम्रो समुदायको अखण्डताको नोक्सान गरेर भने होइन। तपाईं त्यसकारण तल व्याख्या गरिएको आचरणमा (वा यसो गर्न अरूलाई सुविधा वा सहायता प्रदान गर्ने) कार्यमा सामेल नहुने कुरामा सहमत हुनुहोस्:

तपाईंले यस्तो गर्न वा सेयर गर्ने प्रयोजनका लागि हाम्रा उत्पादनहरूको प्रयोग गर्नु हुँदैन:
- जसले यी सर्तहरू, सामुदायिक मापदण्डहरू वा तपाईंले हाम्रा उत्पादनहरू प्रयोग गर्दा लागू हुने अन्य सर्त र नीतिहरूको उल्लङ्घन गर्छ।
- जुन गैरकानूनी, भ्रामक, भेदभावपूर्ण वा धोखाधडीयुक्त (वा अन्य कसैलाई हाम्रा उत्पादनहरू यसरी प्रयोग गर्न मद्दत गर्दछ) हुन्छ।
- तपाईंको स्वामित्व नभएको वा सेयर गर्न आवश्यक अधिकारहरू नभएको अवस्थामा।
- लागू हुने कानून अन्तर्गत अपवाद वा सीमा लागू नभएसम्म यसले अन्य कसैको बौद्धिक सम्पत्ति अधिकारहरू (जस्तै अर्कोको प्रतिलिपि अधिकार वा ट्रेडमार्क, वा नक्कली वा पाइरेटेड वस्तुहरू वितरण वा बिक्री गर्ने) लगायतका अधिकारहरू भंग वा उल्लङ्घन गरेमा।
तपाईंले भाइरस वा हानिकारक कोड अपलोड गर्न, स्पाम पठाउन सेवाहरू प्रयोग गर्न, वा हाम्रा सेवाहरू, प्रणालीहरू, वा उत्पादनहरूको उचित काम, अखण्डता, सञ्चालन, वा उपस्थितिलाई असक्षम पार्ने, अत्याधिक बोझ दिने गर्न, हस्तक्षेप गर्ने वा बिगार्न सक्ने अरू केही गर्न सक्नुहुन्न।
तपाईंले (हाम्रो पूर्व अनुमति बिना) स्वचालित माध्यमहरू प्रयोग गरेर हाम्रा उत्पादनहरूबाट डेटा पहुँच गर्न वा सङ्कलन गर्न सक्नुहुन्न वात्यस्तो स्वचालित पहुँच वा सङ्कलन Facebook खातामा लग-इन हुँदा गरिएको भए तापनि तपाईंलाई पहुँच गर्ने अनुमति नभएको डेटा पहुँच गर्ने प्रयास गर्न सक्नुहुन्न ()।
तपाईंले उत्पादन प्रयोगकर्ताको नाम वा पासवर्डहरूको प्रोक्सी, अनुरोध, वा सङ्कलन, वा पहुचँ टोकनहरू दुरूपयोग गर्न पाउनु हुन्न।
प्लेटफर्म सर्तहरूमा उल्लेख गरिएको बाहेक तपाईंले हामी वा हाम्रा सेवाहरूबाट प्राप्त गरेको कुनै पनि डेटा बेच्न, पुनःइजाजत दिन वा खरिद गर्न सक्नुहुन्न(त्यस्तो डेटा Facebook खातामा लग इन हुँदा प्राप्त गरिएको भए तापनि )।
तपाईंले कुनै पनि रिपोर्टिङ, फ्ल्यागिङ, विवाद, वा अपील च्यानलको दुरुपयोग गर्नु हुन्न, जस्तै धोखाधडी युक्त, नक्कली, वा आधारहीन रिपोर्टहरू वा अपीलहरू गर्ने।
Meta ले हाम्रा उत्पादनहरू वा डाटाहरूमा पहुँच नियन्त्रण वा सीमित गर्न प्रयोग गर्ने कुनै पनि प्राविधिक उपायहरूबाट तपाईंले उम्कने, यसलाई नकार्ने वा अस्विकार गर्ने जस्ता केही कार्य गर्न वा गर्ने प्रयास गर्न सक्नुहुन्न।

हामी यी प्रावधनहरूको उल्लङ्घन गर्ने सामग्रीको पहुँच हटाउन वा सीमित गर्न सक्छौँ। हामी तपाईंको खातालाई खण्ड ४.२ मा प्रदान गरिए अनुसारका प्रावधानहरू उल्लङ्घन गरेमा पनि निलम्बन वा असक्षम गराउन सक्छौं।

हामीले तपाईंले सेयर गर्नुभएको सामुदायिक मापदण्डहरूको उल्लङ्घन गरेको सामग्री हटायौँ भने गम्भीरतापूर्वक वा बारम्बार यी सर्तहरू उल्लङ्घन नगरेको,वा त्यसो गर्दा हामी वा अरूलाई कानुनी दायित्वमा पर्न नसक्ने ; हाम्रो प्रयोगकर्ताहरूको समुदायलाई हानि नपुर्‍याउने; हाम्रो कुनै पनि सेवा, प्रणाली वा उत्पादनहरूको अखण्डता वा सञ्चालनमा हस्तक्षेप नगर्ने वा जोखिममा नपार्ने; जहाँ हामी प्राविधिक सीमितताहरूको कारण प्रतिबन्धित छौं; वा कानुनी कारणले गर्दा हामीलाई त्यसो गर्न निषेध गरिएको अवस्थामा बाहेक हामी यस्तो कारबाही गर्दा तपाईंले समीक्षा अनुरोध गर्न पाउन का लागि भएका कुनै पनि विकल्पहरूको तपाईंलाई जानकारी दिने छौँ र व्याख्या गर्ने छौँ । खाताको निलम्बन वा खारेजसम्बन्धी जानकारीका लागि, तल खण्ड ४.२ हेर्नुहोस्।

हामी गलत जानकारी विरुद्ध लड्न धेरै अधिकार क्षेत्रहरूमा स्वतन्त्र तथ्य जाँचकर्ताहरूसँग काम गर्छौं। तथ्य-जाँचकर्ताहरूद्वारा सामग्रीको मूल्याङ्कन भएपछि हामी थप सन्दर्भ प्रदान गर्नका लागि सूचना थप्न सक्छौँ। तपाईं तथ्य जाँच गर्ने तरिकाका बारे थप जानकारी यहाँ भेट्टाउन सक्नुहुन्छ।

यो सुविधा तपाईंको अधिकार क्षेत्रमा छ भने हाम्रो समुदायलाई सहायता प्रदान गर्न मद्दत गर्न हामी तपाईंलाई आफ्ना अधिकारहरू (बौद्धिक सम्पत्ति अधिकार लागायत) वा हाम्रा सर्त र नीतिहरूको उल्लङ्घन गरे जस्तो लागेका सामग्री वा आचरणबारे रिपोर्ट गर्न प्रोत्साहन गर्छौँ। यदि हामिले Meta मा प्रतिकूल कानूनी वा नियामक असरहरू वा हाम्रा सेवाहरूको दुरुपयोग रोक्न वा घटाउन यथोचित रुपमा आवश्यक पर्छ भनी निर्धारण गर्‍यौं भने हामीले सामग्री, सुविधा, सेवा वा जानकारीहरुमा पहुँच हटाउन वा प्रतिबन्ध लगाउन पनि सक्छौं।

३.३ तपाईंले हामीलाई दिने अनुमतिहरू

हामीलाई हाम्रा सेवाहरू प्रदान गर्नको लागि तपाईंबाट निश्चित अनुमतिहरू आवश्यक पर्छ:

१. तपाईंको सामग्रीः फोटो वा भिडियो जस्ता तपाईंले सेयर तथा अपलोड गर्ने केही सामग्री बौद्धिक सम्पत्ति सम्बन्धी कानूनहरूद्वारा सुरक्षित हुन सक्छन्।

तपाईंले Facebook र तपाईंले प्रयोग गर्ने अन्य Meta कम्पनीका उत्पादनहरू मा सिर्जना गर्ने र सेयर गर्ने सामग्रीमा तपाईंको वौद्धिक सम्पत्तिको अधिकार (प्रतिलिपि अधिकार वा ट्रेडमार्कहरू जस्ता कुराहरू) कायम राख्नु हुनेछ । यी सर्तहरूमा भएका कुनै कुराले तपाईंसँग तपाईंको सामग्रीमा रहेका अधिकारहरू हनन गर्दैनन्। तपाईं अन्य जोसँग र आफूले चाहेको ठाउँमा आफ्नो सामग्री सेयर गर्न स्वतन्त्र हुनुहुन्छ।

यद्यपि, हाम्रा सेवाहरू प्रदान गर्न तपाईंले हामीलाई उक्त सामग्री प्रयोग गर्न केही कानूनी अनुमतिहरू (जसलाई "इजाजतपत्र" भनिन्छ) दिनु पर्छ। यसको एक मात्र उद्देश्य माथिको खण्ड १ मा वर्णन गरिए झै हाम्रा उत्पादन र सेवाहरू प्रदान गर्ने र तिनमा सुधार गर्नु हो।

२. तपाईंले सिर्जना गर्ने र सेयर गर्ने सामग्री प्रयोग गर्ने अनुमति: विशेष गरी, तपाईंले बौद्धिक सम्पत्तिको अधिकारमा समेटिएको वा हाम्रा उत्पादनहरूको सम्बन्धमा तपाइले सामग्री सेयर, पोस्ट वा अपलोड गर्नुभयो भने तपाईं हामीलाई होस्ट गर्ने, प्रयोग गर्ने, वितरण गर्ने, परिमार्जन गर्ने, चलाउने, प्रतिलिपि बनाउने, सार्वजनिक रूपमा प्रदर्शन वा प्रदर्शित गर्ने, अनुवाद र तपाईंको सामग्रीको व्युत्पन्न कार्यहरू सिर्जना गर्ने (तपाईंको गोपनीयता र एप्लिकेसन सेटिङहरूको अनुरूप) गैर-विशेष, ट्रान्सफर गर्न मिल्ने, उप-इजाजतपत्र योग्य, रोयल्टी-मुक्त, र विश्वव्यापी इजाजतपत्र प्रदान गर्नुहुन्छ। यसको अर्थ, उदाहरणका लागि, तपाईंले Facebook मा कुनै फोटो सेयर गर्नुभयो भने तपाईं हामीलाई यसलाई भण्डारण गर्ने, यसको प्रतिलिपि बनाउने र उक्त उत्पादनहरू र सेवाहरूलाई समर्थन गर्ने Meta का उत्पादनहरू वा सेवा प्रदायकहरूलाई जस्ता अन्यसँग (फेरि पनि, तपाईंका सेटिङहरू अनुरूप) सेयर गर्न अनुमति दिनुहुन्छ। तपाईंको सामग्री हाम्रा प्रणालीहरूबाट मेटाइए पछि यो इजाजतको म्याद सकिन्छ।

३. आफ्नो सामग्री मेटाउनः तपाईंले कुनै पनि समयमा आफूले सेयर, पोस्ट र अपलोड गर्नुभएका हरेक सामग्री मेटाउन सक्नुहुन्छ। थपमा तपाईंले आफ्नो खाता मेटाउनुभयो भने तपाईंको व्यक्तिगत खातामा पोस्ट गरिएका सबै सामग्रीलाई मेटाइनेछ। आफ्नो खाता मेटाउने तरिकाका बारेमा थप जान्नुहोस्। खाता मेटाउनाले तपाईंले पृष्ठको एड्मिन रहेर पोस्ट गर्नुभएको वा तपाईंले अन्य प्रयोगकर्तासँग मिलेर संयुक्त रूपमा सिर्जना गर्नुभएको, एल्बमका अन्य सदस्यहरूले हेर्न सक्ने जस्ता सेयर गरिएका एल्बमका फोटोहरू जस्ता सामग्रीलाई स्वचालित रूपमा मेटाउँदैन।

हामीले खाता मेटाउने प्रक्रिया सुरु गरेपछि वा सामग्री मेटाउने अनुरोध प्राप्त गरेपछि सामग्रीलाई मेटाउन ९० दिनसम्म लाग्न सक्छ। तपाईंले सामग्रीलाई ट्रयासमा पठाउनुभयो भने तपाईंले पहिल्यैमेटाउन छनोट नगरेमा मेटाउन प्रक्रिया स्वचालित रूपमा ३० दिनपछि सुरु हुनेछ। त्यस्ता सामग्रीलाई मेटाउने प्रक्रिया चलिरहँदा उक्त सामग्री अन्य प्रयोगकर्ताहरूलाई त्यसपछि देखाइँदैन। सामग्री मेटाएपछि, हामीलाई यसलाई ब्याकअप र प्रकोप रिकभरीका प्रणालीहरूबाट हटाउनका लागि थप ९० दिनसम्म लाग्न सक्छ।

निम्न अवस्थाहरूमा खाता मेटाइएको वा सामग्री मेटाउने प्रक्रिया सुरु भएको ९० दिन भित्रमा सामग्री मेटाइदैँन:

तपाईंको सामग्री यस इजाजतपत्रअनुसार अन्य व्यक्तिहरूले प्रयोग गरिरहेका छन् र तिनीहरूले यसलाई मेटएका छैनन् भने (यस्तो अवस्थामा उक्त सामग्री नमेटाएसम्म इजाजतपत्र लागू भइरहने छ);
हाम्रा प्रणालीको प्राविधिक सिमितताका कारण ९० दिनभित्र मेटाउन सम्भव छैन भने, यस्ता अवस्थामा हामी प्राविधिक रूपमा सम्भव हुनासाथ मेटाउने कार्य पूरा गर्छौ; वा
तत्काल मेटाउनुले निम्न कार्य गर्ने हाम्रो क्षेमतालाई प्रतिबन्ध लगाउँछ भने:
- गैरकानूनी क्रियाकलाप वा हाम्रा सर्त तथा नियमनहरूको उल्लङ्घन गर्ने कार्यहरूको अनुसन्धान वा पहिचान गर्ने (उदाहरणका लागि, उत्पादन वा प्रणालीहरूको दुरूपयोगको पहिचान वा अनुसन्धान गर्ने कार्य);
- हाम्रा उत्पादनहरू, प्रणाली, सेवा, हाम्रा कर्मचारी र प्रयोगकर्ताहरूको सुरक्षा, अखण्डता र रक्षा जोगाउन र हामी आफैलाई जोगाउन;
- वित्तीय उत्पादनहरू र सेवाहरू प्रदान गर्ने Meta का कम्पनीहरूले कानूनद्वारा आवश्यक कुनै पनि रेकर्ड राख्ने दायित्वहरूको पालना गर्न डेटा सहित प्रमाणको संरक्षणका लागि कानूनी दायित्वहरूको पालना गर्न; वा
- न्यायिक वा प्रशासनिक अधिकारी, कानून प्रवर्तन वा सरकारी निकायको अनुरोधको पालना गर्ने;

यस्तो अवस्थामा, कुनै सामग्री जुन उद्देश्यका लागि राखिएको हो सो आवश्यकता भन्दा बढी राखिने छैन (सही अवधि मामला अनुसार फरक पर्ने छ)।

माथि दिइएका सबै अवस्थाहरूमा सामग्री पूर्ण रूपमा नमेटाएसम्म इजाजतपत्र जारी रहने छ।

४. विज्ञापन र प्रायोजित वा व्यवसायिक सामग्रीमा तपाईंको नाम, प्रोफाइल तस्विर र तपाईंले गर्नुभएका क्रियाकलापहरूबारे जानकारी प्रयोग गर्ने अनुमति: हामीले तपाईंलाई कुनै क्षतिपूर्ति नतिरिकन हाम्रा उत्पादनहरूमा प्रदर्शन गर्ने विज्ञापन अफर र अन्य प्रायोजित वा व्यवसायिक सामग्रीको छेउमा वा सामग्रीसँग जोडेर तपाईंको नाम, प्रोफाइल तस्विर र Facebook मा तपाईंले गर्नुभएका क्रियाकलापहरूबारे जानकारी प्रयोग गर्ने अनुमति दिनुहुन्छ। उदाहरणका लागि, हामी तपाईंका साथीहरूलाई तपाईंले विज्ञापन गरिने कार्यक्रममा रूचि राख्नुभएको छ वा Facebook मा आफ्ना विज्ञापनहरू देखाउनका निम्ति हामीलाई पैसा तिरेका ब्राण्डले सिर्जना गरेको Facebook पृष्‍ठ लाइक गर्नुभएको छ भन्ने कुरा देखाउन सक्छौँ। यस्तो खाले विज्ञापन र सामग्रीहरू तपाईंले Meta का उत्पादनहरूमा गर्नुभएका क्रियाकलाप हेर्न तपाईंबाट अनुमति पाएका मानिसहरूले मात्र देख्न सक्छन्। तपाईं आफ्ना विज्ञापन सेटिङ र प्राथमिकताहरूका बारेमा थप जान्न सक्नुहुन्छ।

५. तपाईंले प्रयोग वा डाउनलोड गर्ने सफ्टवेयर अद्यावधिक गर्ने अनुमति: तपाईंले हाम्रो सफ्टवेयर प्रयोग वा डाउनलोड गर्नुभयो भने, तपाईंले जहाँ उपलब्ध छ त्याहाँ हामीलाई स्फ्टवेयरमा अद्यावधिकहरू डाउनलोड र स्थापना गर्ने अनुमति दिनुहुन्छ।

३.४ हाम्रा बौद्धिक सम्पत्ति प्रयोग गर्ने सीमाहरू

तपाईं हामीले हाम्रा उत्पादनहरूमा उपलब्ध गराएका र उपलब्ध गराउने बौद्धिक सम्पत्ति अधिकारमा उल्लेख गरिएको सामग्री प्रयोग गर्नुहुन्छ भने (उदाहरणका लागि तपाईंले आफूले Facebook मा सिर्जना वा सेयर गर्ने सामग्रीमा हाल्नका लागि हामिले तपाईंलाई उपलब्ध गराउने छवि, डिजाइन, भिडियो वा साउन्ड), हामी सो सामग्रीमाथि सबै अधिकारहरू कायम राख्छौँ (तर तपाईंकोमा भने होइन) । तपाईं हाम्रा ब्राण्डको प्रयोगसम्बन्धी मार्गदर्शनहरू अनुमति दिएका हाम्रा प्रतिलिपि अधिकार वा ट्रेडमार्कहरू (वा अन्य उस्तै चिन्हहरू) मात्र वा हाम्रो अग्रीम लिखित अनुमति लिएर प्रयोग गर्न सक्नुहुन्छ। लागू कानून अन्तर्गत अपवाद वा सीमितता लागू हुन्छ वा तपाईंको आचरण Meta बग बाउन्टी कार्यक्रमसँग सम्बन्धित रहेको अवस्थामा बाहेक, तपाईंले हाम्रा उत्पादनहरू वा तिनका भागहरू परिमार्जन गर्न, अनुवाद गर्न, व्युत्पन्न कार्यहरू सिर्जना गर्न, डिकम्पाइल गर्न वा रिभर्स इन्जिनियर गर्न वा अन्यथा हामीबाट स्रोत कोड निकाल्ने प्रयास गर्नका लागि हाम्रो लिखित अनुमति (वा खुला स्रोत इजाजतपत्र अन्तर्गत अनुमति) प्राप्त गर्नुपर्छ। तपाईंलाई स्पष्ट रूपमा प्रदान नगरिएका सबै अधिकारहरू हामीसँग सुरक्षित हुन्छन्।

४. अतिरिक्त प्रावधानहरू

४.१ हाम्रा सर्तहरू अपडेट गर्ने

हामी हाम्रा सेवाहरू सुधार्न र तपाईं र हाम्रो समुदाय र तपाईका लागि हामा उत्पादनहरूलाई अझ राम्रो बनाउनका लागि नयाँ सुविधाहरू विकास गर्न लगातार काम गर्छौं। नतिजा स्वरूप, हामीले हाम्रा सेवाहरू र अभ्यासहरु वास्तविक रुपमा प्रतिविम्बित गर्न, उत्पादनहरू र सेवाहरूमा सुरक्षित अनुभव प्रवर्द्धन गर्न, र/वा लागू हुने कानूनको पालना गर्न यी सर्तहरूलाई समय-समयमा अपडेट गर्नु पर्ने हुन सक्छ। प्रावधानहरू अब उप्रान्त उपयुक्त नभएमा वा तिनीहरू अपूर्ण भएका अवस्थामा, र परिवर्तनहरू उचित भएका अवस्थामा मात्र र तपाईंका रुचिहरुको ख्याल गरेको अवस्थामा वा लागू हुने कानूनको पालना गर्न वा सुरक्षा र रक्षाका कार्यहरूका लागि परिवर्तन गर्नु परेमा मात्र हामी परिवर्तन गर्ने छौँ।

हामी यी सर्तहरूमा परिवर्तन गर्नुभन्दा कम्तीमा ३० दिनअघि तपाईंलाई जानकारी दिने छौँ (उदाहरणका लागि, इमेल वा हामा उत्पादनहरूको माध्यमबाट) र ती सर्तहरू प्रभावमा आउनुभन्दा पहिले कानूनी आवश्यकता परेर परिवर्तन नगरेसम्म तपाईंलाई तिनको समीक्षा गर्ने अवसर प्रदान गर्छौँ। अपडेट गरिएका कुनै पनि सर्तहरू लागू भएपश्चात तपाईंले हाम्रा उत्पादनहरू प्रयोग गर्न वा पहुँच गर्न जारी राख्नुभयो भने तपाईंले ती सर्तहरूको पालना गर्नु पर्ने हन्छ।

हामी आशा गर्दछौं कि तपाईंले हाम्रा उत्पादनहरू प्रयोग गर्न जारी राख्नुहुनेछ, तर यदि तपाईं हाम्रा अपडेट गरिएका सर्तहरूमा सहमत हुनुहुन्न वा यस करारमा तपाईंको सहमति समाप्त गर्न चाहनुहुन्छ भने तपाईंले कुनै पनि समयमा आफ्नो खाता मेटाउन सक्नुहुन्छ र तपाईंले Facebook र Meta का अन्य उत्पादनहरू पहुँच गर्न वा प्रयोग गर्न बन्द गर्नुपर्छ।

४.२ खाता निलम्बन वा खारेजी

हामी Facebook यस्तो थलो होस् जहाँ मानिसहरू आफूलाई अभिव्यक्त गर्न र आफ्ना सोच र विचारहरू सेयर गर्न स्वागतयोग्य र सुरक्षित महसुस गरून् भन्ने चाहन्छौँ।

हामीले हाम्रो विवेकमा तपाईंले निश्चित रूपमा समुदायका मापदण्डहरू सहित हाम्रा सर्त वा नीतिहरू स्पष्ट रूपमा, गम्भीर रूपमा वा बारम्बार उल्लङ्घन गर्नुभएको छ भनी निर्धारण गर्‍यौँ भने,हामी तपाईंको Meta कम्पनीका उत्पादनहरूमा रहेको पहुँचलाई निलम्बन वा सधैंका लागि असक्षम र हामी तपाईंको खातालाई असक्षम गराउन वा मेटाउन सक्छौं। तपाईंले बारम्बार अन्य मानिसहरूको वौद्धिक सम्पत्ति अधिकारको उल्लङ्घन गर्नुभयो वा कानूनी कारणले त्यसो गर्नु परेका कारण हामी तपाईंको खाता मेटाउन वा असक्षम गर्न सक्छौँ।

तपाईंको खाता दर्तापछि पुष्टि भएन, तपाईंको खाता प्रयोगमा आएन र धेरै समयका लागि निष्कृय रह्यो वा हामीले तपाईंको अनुमति बिनै कसैले प्रयोग गरेका हुनसक्छन् भन्ने फेला पार्यौं र हामीले खातामा तपाईंको स्वामित्व पुष्टि गर्न सकेनौं भने हामी तपाईंको खातालाई निष्कृय पार्न वा मेटाउन सक्छौं। हामीले खाताहरू कसरी निष्कृय पार्छौ र मेटाउँछौ भन्ने बारेमा थप जान्नुहोस्।

त्यसो गर्दा हामी वा अरू अन्य कानूनी दायित्वमा पर्ने; हाम्रो प्रयोगकर्ताहरूको समुदायलाई हानि हुने वा हाम्रो कुनै पनि सेवा, प्रणाली वा उत्पादनहरूको अखण्डता वा सञ्चालनमा हस्तक्षेप हुने वा जोखिममा पर्ने, वा हामी प्राविधिक सीमितताहरूको कारण प्रतिबन्धित भएको; वा कानूनी कारणले गर्दा हामीलाई त्यसो गर्न निषेध गरिएको छ भन्ने अवस्था बाहेक हामीले यस्ता कारबाही गर्दा तपाईंलाई जानकारी दिने छौँ र तपाईंले समीक्षा अनुरोध गर्नु पर्ने कुनै पनि विकल्पहरू तपाईंलाई व्याख्या गर्ने छौँ।

तपाईं आफ्नो खाता निष्कृय गरियो भने के गर्न सकिन्छ र हामीले गल्तीले तपाईंको खाता निष्कृय गरेका हौँ भन्ने तपाईंलाई लागेमा हामीलाई सम्पर्क गर्ने तरिकाबारे थप जान्न सक्नुहुन्छ।

यदि तपाईंको खाता तपाईंले मेटाउनुभयो वा हामीले निष्कृय गरिदियौँ वा मेटायौँ , र तपाईंले Facebook र अन्य Meta का उत्पादनहरू पहुँच गर्न, प्रयोग गर्न वा सोमा जान रोक्नुभयो वा यदि यो करारअन्यथा खारेजभएमा निम्न प्रावधानहरू यथावत् रहने बाहेक यी सर्तहरूतपाईं र हामी बीचको सहमतिको रूपमा समाप्त हुनेछन्=: (3, 4.2-4.5).

४.३ दायित्वका सीमाहरू

हामी सकेसम्म उत्कृष्ट उत्पादन प्रदान गर्न र तिनीहरू प्रयोग गर्ने सबैका लागि स्पष्ट मार्गदर्शनहरू तोक्न कडा परिश्रम गर्छौं। हाम्रा उत्पादनहरू, यद्यपि, “जस्ताको त्यस्तै” प्रदान गरिन्छन्, र कानूनले अनुमति दिएको हदसम्म, तिनीहरू सधैँ सुरक्षित वा त्रुटि-रहित हुनेछन्, वा तिनीहरू कुनै अवरोध, ढिलाइ वा अशुद्धता बिना काम गर्नेछन् भनी कुनै ग्यारेन्टीहरू गर्दैनौँ। कानूनद्वारा अनुमति दिइएको हदसम्म, हामी व्यापारयोग्य, निश्चित उद्देश्यको लागि उपयुक्तता, शीर्षक र गैर-उल्लङ्घनका अव्यक्त वारेन्टी सहित, व्यक्त वा अव्यक्त सबै वारेन्टीहरू पनि अस्वीकार गर्छौं। हामी मानिसहरूले र अरूले भन्ने वा गर्ने कुरालाई नियन्त्रण वा निर्देशन गर्दैनौं, र हामी उनीहरूका कार्य वा आचरण (अनलाइन वा अफलाइन) वा उनीहरूले साझा गर्ने कुनै पनि सामग्रीको (अपमानजनक, अनुचित, अश्लील, गैर-कानूनी र अन्य आपत्तिजनक सामग्री सहित) लागि जिम्मेवार छैनौं।

हामी हाम्रा उत्पादनहरुमा समस्याहरू कहिले आउन सक्छन् भनी अनुमान गर्न सक्दैनौँ। यसैअनुसार, हाम्रो दायित्व लागू हुने कानूनद्वारा अनुमति दिइएको पूर्ण हदसम्म सीमित हुनेछ। लागू हुने कानूनद्वारा अनुमति दिइएको पूर्ण हदसम्म कुनै पनि परिस्थितिमा यी सर्त वा Meta का उत्पादनहरूबाट उत्पन्न हुने वा यसको सम्बन्धमा कुनै पनि गुमाइएको नाफा , आम्दानि, जानकारी वा डेटा वा परिणाममूलक, विशेष, अप्रत्यक्ष, अनुकरणीय, दण्डात्मक वा संयोगिक क्षतिहरू (जुन सुकै कारणले भएता पनि र लापरवाही सहित दायित्वको कुनै सिद्धान्तमा) को लागि हामीलाई यस्तो क्षतिको सम्भावना बारे सल्लाह दिइएको भए पनि तपाईं प्रति उत्तरदायी हुनेछैनौं।

४.४ विवादहरू

हामी स्पष्ट नियमहरू प्रदान गर्ने प्रयास गर्छौं जसले गर्दा तपाईं र हामी बीच विवादहरू सीमित गर्न वा सकेसम्म रोक्न सक्छौँ। कुनै विवाद उत्पन्न भएमायद्यपि, यो कहाँ समाधान गर्न सकिन्छ र कुन कानूनहरू लागू हुन्छन् भनी पहिले नै जान्न उपयोगी हुन्छ।

तपाईं उपभोक्ता भएमा, वा लागूयोग्य कानूनले आवश्यक बनाएको भएमा, यी सर्त वा Meta का उत्पादनहरूबाट प्रकट हुने वा यसको सम्बन्धमा हामी विरुद्ध भएका कुनै पनि दाबी, मुद्दाको कारण वा विवादमा तपाईं बस्नु भएको राष्ट्रको कानूनहरू लागू हुनेछ र तपाईंले यस दाबीमाथि क्षेत्राधिकार भएको सो राष्ट्रको कुनै पनि सक्षम अदालतमा आफ्नो दाबी समाधान गर्न सक्नुहुन्छ। अन्य सबै मुद्दाहरूमा र कुनै दाबी, मुद्दाको कारण वा Meta ले तपाईं विरूद्ध पेश गर्ने विवादमा, तपाईं र Meta त्यस्ता कुनै पनि दाबी, मुद्दाको कारण वा विवाद संयुक्त राज्य अमेरिकामा मात्रै समाधान गर्नुहुन्छ भनी सहमत हुनुहुन्छ। क्यालिफोर्नियाको उत्तरी जिल्लाको जिल्ला अदालत वा सान माटेओ काउन्टीमा अवस्थित राज्य अदालत। तपाईं कुनै पनि दाबीहरुको कानूनी सुनुवाईका लागि यी मध्ये कुनै पनि अदालतहरूको व्यक्तिगत क्षेत्राधिकार स्वीकार गर्नुहुन्छ र कानूनी द्वन्द्वको प्रावधानहरूलाई बेवास्ता गर्दै क्यालिफोर्निया राज्यका कानूनहरूले यी सर्त र कुनै पनि दाबी, मुद्दाको कारण वा विवादलाई नियमन गर्छ भनी सहमति जनाउनुहुन्छ। पूर्वगामीमा प्रतिकुल असर नपारी , Meta ले आफ्नो एकल स्वविवेकमा, तपाईं विरुद्ध रहेको कुनै दाबी, मुद्दाको कारण, वा विवाद, तपाईं बसोबास गर्ने राष्ट्रको सो दाबीमाथि क्षेत्राधिकार भएको कुनै पनि सक्षम अदालतमा ल्याउन सक्छ भन्ने कुरामा तपाईं सहमत हुनुहुन्छ ।

४.५ विविध

पूरक सर्तहरूः हामीले प्रदान गर्ने केही उत्पादनहरूलाई पूरक सर्तहरूले पनि नियमन गर्छन्। तपाईं ती उत्पादनहरूमध्ये कुनै एक प्रयोग गर्नुभयो भने पूरक सर्तहरू उपलब्ध गराइने छ र तपाईंसँगको हाम्रो सम्झौताको अंश बन्ने छ। उदाहरणका लागि, तपाईंले विज्ञापन खरिद गर्ने, उत्पादनहरू बेच्ने, एपहरू विकास गर्ने, तपाईंको व्यवसायको समूह वा पृष्ठ व्यवस्थापन गर्ने, वा हाम्रा मापन सेवाहरू प्रयोग गर्ने, जस्ता व्यावसायिक वा व्यापारिक उद्देश्यले हाम्रा उत्पादनहरूमा पहुँच वा उत्पादनहरू प्रयोग गर्नुभयो भने तपाईं अनिवार्य रूपमा हाम्रा व्यावसायिक सर्तहरू सगँ सहमत हुनु पर्छ। तपाईंले सङ्गीत समावेश भएको सामग्री पोस्ट वा सेयर गर्नुभयो भने तपाईंले हाम्रा संगीतसम्बन्धी मार्गदर्शनहरू को पालना गर्नु पर्छ। यदि तपाईं अवतारहरू प्रयोग गर्नुहुन्छ भने अवतारहरूका सर्तहरू पनि लागू हुन्छन्। यदि तपाईं हाम्रो AI उत्पादन र सुविधाहरू प्रयोग गर्नुहुन्छ भने Meta AI सर्तहरू पनि लागू हुन्छन्। यी सर्तहरूसँग पूरक सर्तहरू बाझिएमा, यी पूरक सर्तहरूले बाझिएको हदसम्म नियमन गर्नेछन्।
विच्छेदनः यी सर्तहरूको कुनै पनि भाग लागू गर्न नमिल्ने भयो भने, लागू गर्न नसकिने भागलाई लागू गर्न योग्य बनाउन आवश्यक न्यूनतम हदसम्म परिमार्जन गरिएको मानिनेछ, र यसलाई लागू गर्न नसकिने भएमा, यसलाई हटाइनेछ र बाँकी भाग पूर्ण रुपमा प्रभावकारी रहनेछ। हामीले यी मध्ये कुनै पनि सर्तहरू लागू गर्न असफल भएमा, यसलाई त्याग गरिएको भनी मानिने छैन। यी सर्तहरूमा कुनै पनि संशोधन वा यसको त्यागलाई लिखित रूपमा गरिनुपर्छ र हामीद्वारा हस्ताक्षर गरिनुपर्छ।
ट्रान्सफर नहुने तपाईं यी सर्तहरूअन्तर्गत आफ्ना कुनै पनि अधिकार वा दायित्व अरू कसैलाई ट्रान्सफर गर्नु हुने छैन।
लिगेसि सम्पर्कः तपाईं आफ्नो खाताको स्मारकबनाइयो भने यसलाई व्यवस्थित गर्न कुनै व्यक्ति (जसलाई विरासत सम्पर्क भनिन्छ) तोक्न सक्नुहुन्छ। तपाईंले आफ्नो सेटिङमा त्यसलाई सक्षम गर्नुभयो भने, तपाईंको विरासत सम्पर्क वा तपाईंले वैध इच्छापत्र वा मृत्युपश्चात् वा अशक्तताका बेला आफ्नो सामग्री खुलासा गर्ने स्पष्ट सहमति दिने कुरा व्यक्त गर्नुभएको समान कानूनी कागजातमा पहिचान गर्नुभएको उक्त व्यक्तिले मात्र तपाईंको खाता स्मरणीय बनाएपछि तपाईंको खाताबाट सिमित जानकारीको खुलासा गर्न सक्षम हुने छ।
तेस्रो पक्षको लाभार्थी सर्तहरू नहुनेः यी सर्तहरूले कुनै पनि तेस्रो-पक्ष लाभार्थी अधिकारहरूलाई प्रदान गर्दैनन्। यी सर्तहरू अन्तर्गत हाम्रा सबै अधिकार र दायित्वहरू गाभ्ने गाभिने, प्राप्ति गर्ने, वा सम्पत्तिको बिक्री वा कानूनको सञ्चालनमार्फत वा अन्य केही कुराको सम्बन्धमा हामीद्वारा स्वतन्त्र रूपमा हस्तान्तरणयोग्य छन्।
प्रयोगकर्ता नाम परिवर्तन: हामी निश्चित अवस्थाहरूमा तपाईंको खाताका लागि प्रयोगकर्ता नाम परिवर्तन गर्न सक्छौं ( उदाहरणका लागि, अन्य कुनै व्यक्तिले उक्त प्रयोगकर्ता नाम दाबी गरेमा र यो नाम तपाईंले आफ्नो दैनिक जीवनमा प्रयोग गर्ने नामसँग सम्बन्धित नभएको देखिएको अवस्थामा)।
प्रतिक्रियाः हामी हाम्रा उत्पादन र सेवाहरूबारेमा तपाईंको प्रतिक्रिया र अन्य सुझावहरूलाई महत्त्व दिन्छौँ। तर हामी प्रतिक्रिया र अन्य सुझावहरू तपाईंलाई क्षतिपुर्ती दिनका लागि कुनै दायित्व वा प्रतिबन्धबिनै प्रयोग गर्न सक्छौं र हामी त्यसलाई गोप्य राख्न उत्तरदायी हुँदैनौँ ।

५. तपाईंमा लागू हुन सक्ने अन्य सर्त र नीतिहरू

सामुदायिक मापदण्डहरू: यी मार्गदर्शनहरूले तपाईंले Facebook मा पोस्ट गर्ने सामग्री र Facebook र Meta का अन्य उत्पादनहरूमा तपाईंले गर्ने क्रियाकलापका सम्बन्धमा हाम्रा मापदण्डहरूहरूको रेखाङ्कन गर्छ।
व्यावसायिक सर्तहरू: तपाईंले विज्ञापन गर्ने, हाम्रो प्लेटफर्मको एप सञ्चालन गर्ने, हाम्रा मापन सेवाहरू प्रयोग गर्ने, समूह वा पृष्ठ व्यापारको लागि व्यवस्थापन गर्ने वा सामान वा सेवाहरू बेच्नेलगायतका कुनै व्यावसायिक वा व्यापारका उद्देश्यहरूले हाम्रा उत्पादनहरूको पहुँच र प्रयोग गर्नुभयो भने यी सर्तहरू लागू हुन्छन्।
समुदायको भुक्तानीसम्बन्धी सर्तहरू यी सर्तहरू Meta का उत्पादनहरूमा ति वा बाट गरिने भुक्तानीहरूमा लागू हुन्छन्।
आर्थिक नीतिहरू: यी सर्तहरूले तपाईंले Facebook Instagram र WhatsApp मा बिक्रीका लागि उत्पादन वा सेवाहरू उपलब्ध गराउँदा लागू हुने नीतिहरूको रेखाङ्कन गर्छ।
संगीतसम्बन्धी मार्गदर्शनहरू: यी मार्गदर्शनहरूले तपाईंले Meta का कुनै उत्पादनहरूमा संगीत समावेश भएको सामग्री पोस्ट वा सेयर गर्नुभयो भने लागू हुने नीतिहरूको रेखाङ्कन गर्छ।
विज्ञापन गर्नेसम्बन्धी नीतिहरू: यी नीतिहरूले Meta का उत्पादनहरूभरि विज्ञापन गर्ने साझेदारहरूले कस्तो प्रकारका विज्ञापन सामग्रीलाई अनुमति दिन्छन् भन्ने कुराको खुलासा गर्छ र Meta का उत्पादनहरूमा विज्ञापन गर्ने साझेदारहरूलाई लागू हुन्छ।
स्वंय-सेवा विज्ञापनका सर्तहरू: तपाईंले विज्ञापन वा अन्य व्यापारिक वा प्रायोजित क्रियाकलाप वा सामग्री सिर्जना, पेश वा डेलिभर गर्न स्वयं सेवा विज्ञापनका इन्टरफेसहरूको प्रयोग गर्‍यौँ भने यी सर्तहरू लागू हुन्छन्।
Facebook पृष्ठ, समूह र कार्यक्रमसम्बन्धी नीति: तपाईंले कुनै Facebook पृष्ठ, समूह वा कार्यक्रम सिर्जना वा व्यवस्थापन गर्नुहुन्छ भने वा संचार गर्न वा कुनै प्रवर्द्धन व्यवस्थित गर्न Facebook प्रयोग गर्नुहुन्छ भने यी सर्तहरू लागू हुन्छन्।
Meta प्लेटफर्मका नीतिहरू: यी सर्तहरू APIs, SDKs, उपकरणहरू, प्लगइन, कोड, प्रविधि, सामग्री र अन्यको कार्य क्षमतालाई सक्षम बनाउने, Meta का उत्पादनहरूबाट डेटा पुन: प्राप्त गर्ने वा हामीलाई डेटा प्रदान गर्ने सेवहरूको प्रयोगमा लागू हुन्छन्।
विकासकर्ताको भुक्तानीसम्बन्धी सर्तहरू: यी सर्तहरू Facebook भुक्तानी प्रयोग गर्ने एप्लिकेसनका विकासकर्ताहरूका लागि लागू हुन्छन्।
Meta ब्राण्डका स्रोतहरू: यी मार्गदर्शनहरूले Meta का ट्रेडमार्क, लोगो र स्क्रिनसटहरूको प्रयोगसम्बन्धी नीतिहरूको रेखाङ्कन गर्छ।
सिफारिसहरूका मार्गदर्शनहरू: Facebook सिफारिसहरूका मार्गदर्शनहरू र Instagram सिफारिसहरूका मार्गदर्शनहरूले हाम्रा मापदण्डहरूका लागि सामग्री सिफारिस गर्ने वा नगर्ने भन्ने कुराको रेखाङ्कन गर्छन्।
लाइभ नीतिहरू: यी नीतिहरू Facebook लाइभमा प्रसारण गरिने सबै सामग्रीमा लागू हुन्छन्।
अवतारका सर्तहरू: यी सर्तहरू हाम्रा अवतारहरू र हाम्रा अवतारका विशेषताहरूको प्रयोग र अवतार स्टोरमा अवतार पहिरणको खरिद र अधिग्रहण समेतमा लागू हुन्छन्।
Meta AI का सर्तहरू: यी सर्तहरूले हाम्रा सिर्जनशील AI उत्पादन र विशेषताहरूको प्रयोगलाई नियमन गर्छन्।