Amabwiriza agenga kuki ya Meta

Amabwiriza agenga kuki

Kuki ni iki, kandi ni iki aya mabwiriza ateganya?

Itariki azatangiriraho kubahirizwa 2023 Ukuboza 12 | Kureba ubwoko bw'inyandiko isohorwa ku mpapuro | Reba verisiyo zahise

Kuki ni uduce duto tw’ubutumwa dukoreshwa mu kubika amakuru muri mushakisha z’imbuga. Kuki zikoreshwa mu kubika no kwakira indanga n’andi makuru kuri mudasobwa, telefoni n’ibindi bikoresho. Irindi koranabuhanga riteye nka zo, harimo amakuru tubika muri mushakisha ukoresha ku mbuga cyangwa igikoresho cyawe, indanga zishamikiye ku gikoresho cyawe n’izindi porogaramu za mudasobwa, rikoreshwa ku mpamvu zimwe. Muri aya mabwiriza, twita iryo koranabuhanga ryose “kuki”.

Dukoresha kuki iyo ufite konti ya Facebook cyangwa Instagram, ukoresha Ibicuruzwa bya Meta, harimo urubuga na porogaramu byacu, cyangwa usura izindi mbuga na porogaramu zikoresha Ibicuruzwa bya Meta (harimo na buto yo Gukunda). Kuki zibashisha Meta kukugezaho ibicuruzwa byayo no gusobanukirwa amakuru akwerekeye twakira, arimo amakuru yerekeye uko ukoresha izindi mbuga na porogaramu, waba wariyandikishije cyangwa utariyandikishije, winjiye cyangwa utinjiye.

Aya mabwiriza asobanura uko dukoresha kuki n’amahitamo ufite. Uretse igihe bivugwa ukundi muri aya mabwiriza, Amabwiriza agenga ubuzima bwite yubahirizwa mu itunganyamakuru dukorera amakuru dukusanya binyuze muri kuki.

Kuki dukoresha kuki?

Kuki zidufasha gutanga, kurinda no kunoza ibicuruzwa bya Meta, nko kuboneza ibikubiye mu makuru atangazwa, kunoza no gupima ibyamamaza, no gutanga imikoreshereze irushijeho gutekana. Kuki dukoresha zirimo kuki z’igihe runaka, zisibwa iyo ufunze mushakisha yawe, na kuki ziramba, ziguma muri mushakisha yawe kugeza igihe zirangiriyeho cyangwa uzisibye. Kuki dukoresha n’uko tuzikoresha bishobora guhinduka bijyanye n’igihe, uko tugenda tuvugurura kandi tukajyanisha n’igihe Ibicuruzwa bya Meta, muri rusange tuzikoresha hagamijwe ibikurikira:

Kwemeza

Umutekano, ubwizerwe bw’urubuga n’ubw’igicuruzwa

Kwamamaza, inama, ibitekerezo n’ipima

Ibiranga na serivisi by’urubuga

Imikorere

Ubusesenguzi n’ubushakashatsi

Porogaramu n’imbuga zitanga izindi serivisi

Ni he dukoresha kuki?

Dushobora gushyira kuki muri mudasobwa cyangwa igikoresho gikora nka yo byawe maze tukabona amakuru abikwa muri kuki igihe ukoresheje cyangwa usuye:

Ibicuruzwa bya Meta;
Ibicuruzwa bitangwa n’ibindi bigo bibarizwa mu Amasosiyete ya Meta; n’
Imbuga na porogaramu bitangwa n’andi masosiyete akoresha ibicuruzwa bya Meta, harimo amasosiyete arimo ikoranabuhanga rya Meta mu mbuga na porogaramu zayo. Meta ikoresha kuki ndetse ikakira amakuru igihe usuye izo mbuga na porogaramu, arimo amakuru y’igikoresho n’amakuru yerekeye ibikorwa byawe, nta rundi ruhare ubigizemo. Ibi bibaho waba ufite cyangwa udafite konti ya Facebook cyangwa Instagram, winjiye cyangwa utinjiye.

Andi masosiyete ajya akoresha kuki zihujwe n’ibicuruzwa bya Meta?

Yego, andi masosiyete akoresha kuki ku bicuruzwa bya Meta mu rwego rwo kuduha serivisi zo kwamamaza, z’ipima, z’imenyekanishabicuruzwa n’ubusesenguzi, kuguha ibiranga bimwe na bimwe no kukunogereza serivisi zacu.

Urugero, kuki z’andi masosiyete zifasha mu kuboneza ibyamamaza hanze y’ibicuruzwa bya Meta, gupima imikorere n’ubushobozi byabyo no kunganira imenyekanishabicuruzwa n’ubusesenguzi. Ibiranga bimwe na bimwe ku bicuruzwa bya Meta bikoresha kuki z’andi masosiyete kugira ngo bikore, urugero nk’amakarita amwe n’amwe, ibiranga bimwe na bimwe by’ubwishyu n’umutekano. Menya ibindi byerekeye amasosiyete akoresha kuki ku bicuruzwa bya Meta.

Andi masosiyete na yo akoresha kuki ku mbuga na porogaramu zayo bwite zihujwe n’ibicuruzwa bya Meta. Kugira ngo usobanukirwe uko andi masosiyete akoresha kuki, turagusaba gusuzuma amabwiriza yayo.

Ni gute wagenzura amakuru yawe?

Dukoresha kuki kugira ngo zidufashe kuboneza no kunoza ibikubiye mu butumwa na serivisi, gutanga imikoreshereze iboneye no kukwereka ibyamamaza by’ingenzi kandi bivugwaho ku bicuruzwa bya Meta no hanze yabyo. Ushobora kugenzura uko dukoresha amakuru kugira ngo tukwereke ibyamamaza n’ibindi dukoresheje ibikoresho byasobanuwe hasi.

Niba ufite konti ya Facebook

Niba ufite konti ya Instagram

Buri wese

Andi makuru yerekeye kwamamaza kuri interineti.

Uburyo bw’igenzurwa rya kuki bwa mushakisha