Nifrət zəminli davranış

Siyasətin təfərrüatları
İstifadəçi təcrübələri
Mobil data

Siyasətin təfərrüatları

DƏYİŞİKLİK JURNALI
Siyasətin Əsaslandırılması
Hesab edirik ki, insanlar şəxsi keyfiyyətlərinə görə hücumlara məruz qalmadıqlarını hiss etdikdə fikirlərini daha sərbəst ifadə edir və əlaqə saxlayırlar. Bu səbəbdən də Facebook, Instagram və ya Threads-də nifrət zəminli davranışa icazə vermirik.
Nifrət zəminli davranışı konsepsiya və ya təşkilatlara qarşı deyil, insanların irq, etnik mənsubiyyət, milli mənşə, əlillik, dini mənsubiyyət, kasta, cinsi oriyentasiya, cinsiyyət, gender mənsubiyyəti və ciddi xəstəlik kimi müdafiə edilən xüsusiyyətləri (PC) əsasında insanlara qarşı birbaşa hücumların edilməsi kimi xarakterizə edirik. Bundan əlavə, insanın yaşı digər müdafiə edilən xüsusiyyətlərlə birlikdə istifadə edildikdə onu da müdafiə edilən xüsusiyyət hesab edirik. Eyni zamanda qaçqınlar, miqrantlar, immiqrantlar və sığınacaq axtaran insanları ən ciddi hücumlardan (aşağıdakı 1-ci səviyyə) qoruyuruq, lakin immiqrasiya siyasətləri haqqında şərh bildirilməsi və onların tənqid edilməsinə icazə veririk. Analoji şəkildə, fəaliyyət sahəsi kimi müdafiə edilməyən xüsusiyyətlər müdafiə edilən xüsusiyyətlərlə birlikdə istifadə edildikdə onları da müəyyən dərəcədə müdafiə edirik. Bəzən biz yerli şərtlərə əsaslanaraq müəyyən söz və ya ifadələri müdafiə edilən xüsusiyyətləri ifadə edən sözlərin tez-tez istifadə edilən əvəzedicisi kimi nəzərdən keçiririk.
Alçaldıcı nitq, əxlaqsızlıqla və ya cinayətlə bağlı ciddi ittihamlar və təhqiramiz ifadələri silirik. Eyni zamanda ənənəvi olaraq xüsusi qruplara hücumlar etmək, onları qorxutmaq və ya təcrid etmək üçün istifadə edilmiş və çox vaxt oflayn zorakılıqla əlaqədar olan alçaldıcı müqayisələr kimi xarakterizə etdiyimiz zərərli stereotipləri silirik. Yekun olaraq, insanları müdafiə edilən xüsusiyyətlərinə görə hədəfə alarkən ağır təhqirlər, iyrənmə və ya ikrah ifadələri, söyüş və insanların təcrid və ya seqreqasiya edilməsinə çağırışları silirik. Bu nitqi ciddilik dərəcəsinə görə aşağıda təsvir edildiyi kimi iki yerə ayırırıq.
Qəbul edirik ki, bəzən insanlar qınamaq və ya şikayət etmək məqsədilə təhqiramiz ifadələrin olduğu məzmunu və ya başqalarına məxsus nifrət nitqini paylaşa bilərlər. Başqa hallarda standartlarımızı poza biləcək nifrət nitqi, o cümlədən təhqiramiz ifadələr istinad üçün və ya insanların hüquq və imkanlarının təşviq edilməsi məqsədilə istifadə edilir. Məruzəçinin niyyəti aydın olduqda bu növ nitqə icazə veririk. Niyyət aydın ifadə edilmədiyi halda məzmunu silə bilərik.
İnsanlar hamamlar, xüsusi məktəblər, xüsusi hərbi, hüquq-mühafizə və ya tədris rolları və səhiyyə, yaxud dəstək qrupları kimi giriş imkanı cins və ya cinsiyyətə görə məhdudlaşdırılan məkanların əlçatanlığı ilə bağlı müzakirə apararkən bəzən cins və ya cinsiyyətə özəl dildən istifadə edirlər. Digər hallarda, məsələn, transgender hüquqları, immiqrasiya və ya homoseksuallıqla bağlı müzakirə apararkən siyasi və ya dini mövzular kontekstində şəxsin təcrid edilməsinə dair çağırışlar edir, yaxud təhqiramiz dildən istifadə edirlər. Yekun olaraq, bəzən insanlar sevgililərindən ayrıldıqları zaman onların gender mənsubiyyətinə söyüş dolu ifadələrdən istifadə edirlər. Siyasətlərimiz nifrət nitqinin bu formada istifadə edilməsinə imkan verir.
Aşağıdakıları paylaşmayın:
1-ci səviyyə
Yuxarıda qeyd edilmiş müdafiə edilən xüsusiyyətlərinə və ya immiqrasiya statusuna görə insan və ya insanlar qrupuna (zorakılıq cinayəti və ya cinsi xarakterli cinayətlər törətmiş və ya qrupun yarısından azını təmsil edən qruplar istisna olmaqla) qarşı yazılı və ya vizual formada paylaşılmış məzmun:
  • Aşağıdakılar daxil olmaqla heyvanlar, patogenlər və ya digər insan səviyyəsinə çatmamış varlıqlarla müqayisələr və ya onları ifadə edən ümumiləşdirmələr formasında insan ləyaqətini alçaldan nitq:
    • Həşəratlar (o cümlədən tarakanlar və çəyirtkələr)
    • Ümumilikdə heyvanlar və ya heyvanların mədəni stereotiplərə görə aşağı səviyyəli hesab edilən növləri (o cümlədən qaradərililər və insanabənzər meymunlar və ya meymunabənzər varlıqlar; yəhudilər və siçanlar; müsəlmanlar və donuzlar; meksikalılar və qurdlar)
    • Bakteriyalar, viruslar və ya mikroblar
    • Ləyaqətsiz insanlar (o cümlədən vəhşilər, şeytanlar, bədheybətlər)
  • Əxlaqsızlıqla və ya cinayətlə bağlı ciddi ittihamlar:
    • Cinsi istismarçılar və pedofillər (o cümlədən qoyun və ya donuzla cinsi əlaqədə olan müsəlmanlar)
    • Zorakılıq törətmiş cinayətkarlar (o cümlədən terroristlər, qatillər)
  • Aşağıdakı kimi zərərlərə görə edilən çağırışlar və ümidlər (ciddi və ya xüsusi təhdidlər və zorakılığa dair çağırışlar Zorakılıq və təhrik siyasətimizə əsasən aradan qaldırılır):
    • Xəstəliyə yoluxmaq
    • Təbii fəlakət yaşamaq
    • Özünəxəsarət və ya intihar
    • Günahkar və ya çağırış üsulu bildirilmədən ölüm
    • Qəzaların və digər fiziki zərərlərin günahkar olmadan, yaxud Tanrı tərəfindən baş verməsi
  • İnsanların qorxudulması və ya zorakılığa məruz qalması ilə əlaqədar olan zərərli stereotiplər, məsələn, qara sifət; Holokostun inkar edilməsi; yəhudilərin maliyyə, siyasi və ya KİV təşkilatlarına nəzarət etməsi haqqında iddialar; dalitlərin qara fəhlə kimi nəzərdən keçirilməsi; və Qaradərili insanları təsərrüfat avadanlığı ilə müqayisə etmək.
  • Şəkildə real insan təsvir edilməsə belə, nifrət cinayətləri anlayışı, halları və ya qurbanlarının məsxərəyə qoyulması.
  • İnsanları xəstə olduqlarına görə lağa qoymaq.
  • İnsanları təhqiramiz ifadələrlə təsvir edən və ya mənfi hədəfə çevirən məzmun. Təhqiramiz ifadələr bir sıra hallarda tarixi ayrı-seçkilik, istismar və zorakılıqla əlaqəli olduğu üçün insanlara qarşı müdafiə edilən xüsusiyyətlər əsasında mahiyyət etibarilə hədə-qorxu və təcridin hökm sürdüyü mühit yaradan sözlər kimi xarakterizə olunur.
2-ci səviyyə
Müdafiə edilən xüsusiyyətlərinə görə insan və ya insanlar qrupuna qarşı paylaşılmış və aşağıdakılara çağıran məzmun (yazılı və ya vizual formada):
  • İnsanların təcrid və ya seqreqasiya edilməsinə dair çağırışlar və ya dəstək, yaxud onları təcrid və ya seqreqasiya etmək niyyətinin bəyan edilməsi aşağıdakı kimi xarakterizə olunur:
    • Ümumi təcrid və ya seqreqasiya üçün çağırış ifadə edən "X-a icazə verilmir!" kimi ifadələr
    • İnsanların siyasi həyatda iştirak etmək hüququnu inkar edən, yaxud həbsdə saxlanılmasını dəstəkləyən və ya siyasi hüquqlarını rədd edən siyasi təcrid
    • İqtisadi hüquqlardan istifadə etmək imkanını inkar edən və ya əmək bazarında iştirak imkanlarını məhdudlaşdıran iqtisadi təcrid. Hərbi qüvvələr, hüquq-mühafizə orqanları və təhsil üzrə vakansiyalarda gender əsaslı məhdudiyyətləri dəstəkləyən məzmunun paylaşılmasına icazə veririk. Məzmun dini inanclara əsaslandıqda cinsi oriyentasiya ilə bağlı eyni məzmunun paylaşılmasına da icazə veririk.
    • Tualetlər, idman və idman liqaları, səhiyyə və dəstək qrupları və xüsusi məktəblər kimi cins və ya cinsiyyətə görə məhdudlaşdırılan məkanlardan təcrid istisna olmaqla gender mənsubiyyətinə görə təcrid istisna olmaqla, məkana (fiziki və ya onlayn) və sosial xidmətlərə çıxış imkanını qadağan edən sosial təcrid.
  • Aşağıdakılarla bağlı olanlar daxil olmaqla təhqirlər:
    • Qorxaqlıq, vicdansızlıq, əsas cinayətkarlıq və cinsi azğımlıq, yaxud digər əxlaqsızlıq ittihamlarının daxil olduğu, lakin bunlarla məhdudlaşmadan xarakter.
    • Axmaqlıq, əqli qabiliyyət və əqli xəstəliklə bağlı ittihamların və əlaqədar əqli qabiliyyət əsasında müdafiə edilən xüsusiyyətlər arasında dəstəklənməyən müqayisələrin daxil olduğu, lakin bunlarla məhdudlaşmadan əqli xüsusiyyətlər. Transgenderlik və homoseksuallıq və "qəribə" kimi sözlərin qeyri-ciddi kontekstdə ümumi istifadəsi haqqında siyasi və dini müzakirəni nəzərə alaraq gender və ya cinsi oriyentasiya əsaslı olduğu zaman əqli xəstəlik və ya anormallıq ittihamlarına icazə veririk.
    • Dəyərsizlik, faydasızlıq, çirkinlik, kirliliklə bağlı ittihamların daxil olduğu, lakin onlarla məhdudlaşmadan digər sahələr.
  • Hədəfin ürək bulandırdığını bildirən ifadələr: "ürəyimi bulandırır" və s.
  • Sevgililərin ayrıldığı zaman istifadə etdiyi müəyyən gender əsaslı söyüşlər istisna olmaqla, söyüşlər:
    • Təhqir etmək niyyəti ilə "sik" sözünün və ya bu sözün variasiyalarının hədəfli istifadəsi, məsələn, "[müdafilə edilən xüsusiyyət] sikim!”
    • Seksual fəaliyyətdə iştirak etməyə və ya cinsi orqanlar, anus, nəcis və ya sidiyə toxunmağa çağıran söz və ya ifadələr: sikimi sor, götümdən öp, pox yeyirsən və s.
Aşağıdakı İcma standartlarına uyğunluğu təmin etmək üçün əlavə məlumat və/yaxud kontekst tələb edirik:
Aşağıdakıları paylaşmayın:
  • İnsanların cinsi oriyentasiyası və ya gender mənsubiyyətini dəyişməyə hədəflənmiş məhsul və ya xidmətləri açıq şəkildə təmin və ya təklif edən məzmun.
  • Müdafiə edilən xüsusiyyətləri olan insanlara labüd fiziki zərərin vurulmasına, onların hədələnməsinə və ya diskriminasiya edilməsinə töhfə verə biləcək, müdafiə edilən xüsusiyyətlərlə bağlı anlayışlar, təşkilatlar, ideyalar, praktikalar və ya inanclara hücum edən məzmun. Meta məzmunda zərər vurulması təhlükəsinin olmasını müəyyən etmək üçün bir sıra əlamətləri nəzərdən keçirir. Bunlara xüsusilə aşağıdakılar aiddir: məzmun labüd zorakılıq və ya şantaja səbəb ola bilərmi; seçki və ya davam edən münaqişə kimi gərgin dövr davam edirmi; və yaxın keçmişdə məzmunda hədəflənmiş müdafiə edilən qrupa qarşı zorakılıq törədilibmi. Bəzi hallarda məzmunu paylaşan insanın ictimai xadim olması və ya dövlət orqanlarında vəzifədə olması da nəzərə alına bilər.
Müəyyən hallarda İcma standartlarını poza biləcək məzmun satirik xarakter daşıdıqda onun paylaşılmasına icazə veririk. Məzmunun İcma standartlarını pozan elementləri satira predmeti olduqda və ya bu elementlərin istehza etmək və ya tənqid etmək məqsədilə başqasına aid olduğu göstərildikdə belə məzmuna icazə verilir.
Qeyd: Avropa İttifaq ölkəsində yaşayan istifadəçisinizsə və ölkənizdə nifrət nitqinə dair qanunları pozduğunu düşündüyünüz məzmun görürsünüzsə, Facebook və ya Instagram-a qanuni silmə təklifi təqdim edə bilərsiniz.
İstifadəçi təcrübələri
İcma standartlarının tətbiq edilməsinin Facebook-dakı insanlar üçün necə görünməsinə dair bəzi nümunələrə baxın: Facebook-da olmamalı olduğunu düşündüyünüz nədənsə şikayət etmək, sizə İcma standartlarımızı pozduğunuzun deyilməsi və müəyyən məzmunun üzərində xəbərdarlıq ekranı görmək necədir.
Qeyd: Biz hər zaman özümüzü təkmilləşdiririk, ona görə də burada gördükləriniz hazırda istifadə etdiyimiz metodlardan cüzi şəkildə fərqlənə bilər.
İSTİFADƏÇİ TƏCRÜBƏSİ
Şikayət etmək
İSTİFADƏÇİ TƏCRÜBƏSİ
Şikayətin edilməsindən sonra kommunikasiya
İSTİFADƏÇİ TƏCRÜBƏSİ
Məzmunun silinməsi
İSTİFADƏÇİ TƏCRÜBƏSİ
Xəbərdarlıq ekranları
Mobil data
İcma standartlarının tətbiq edilməsi haqqında ən son hesabata baxın
Siyasətlərin tətbiq edilməsi
Bütün dünyada Facebook-da olan hər kəs üçün eyni siyasətləri tətbiq edirik.
Dəyərləndirmə komandaları
15 000-dən artıq dəyərləndirmə mütəxəssisindən ibarət qlobal komandamız hər gün Facebook-da insanların təhlükəsizliyini təmin etmək üçün çalışır.
Maraqlı tərəflərin iştirakı
Kənardan cəlb edilmiş ekspertlər, akademiklər, QHT-lər və siyasətçilər Facebook İcma Standartlarının formalaşdırılmasına kömək edirlər.
Nifrət zəminli davranışla bağlı yardım alın
Facebook-da İcma standartlarına zidd olan nə isə gördüyünüz halda nə edə biləcəyinizi öyrənin.
Yardım mərkəzimizə daxil olun